news

Fréttabréf í ágúst

18. 08. 2021

Í ágúst mánuði eru allir smám saman að koma til baka úr sumarleyfum, allt færist í eðlilega rútínu og aðlögun nýrra barna hefst. Undanfarið höfum við verið að kveðja þau sem eru að færa sig á næsta skólastig eða að flytja og munum við sakna þeirra.

Aðlögun nýrra barna hefst 16.ágúst en alls byrja 24 ný börn í leikskólanum þetta haustið. Minnt er á að þeir sem eiga rétt á afslætti af leikskólagjöldum þurfa að sækja sérstaklega um það t.d. námsmanna - eða systkinaafslætti. Foreldrar með börn í aðlögun þurfa að vera með grímu, gert er ráð fyrir að aðeins einn foreldri fylgi hverju barni og ekki verður boðið upp á að dvelja á kaffistofu starfsmanna á aðlögunartímabilinu.

Í ágúst fer líka fram flutningur barna á milli deilda og ákveðin tilhlökkun sem fylgir þeim breytingum. Hjá sumum getur þetta verið erfitt til að byrja með en við styðjum hvert annað og gefum tíma til að aðlagast nýjum aðstæðum. Vonandi fáum við gott veður áfram og getum verið mikið úti að leika í ágúst.

Eitthvað er um starfsmannabreytingar eins og oft á haustin, sumir starfsmenn að fara í nám og nokkrir að koma til baka úr fæðingarorlofi.

Mikilvægt er að halda áfram að fara öllu með gát vegna COVID og biðjum við foreldra um að koma inn um sér inngang fyrir hverja deild fyrir sig eins og þeir eru nú orðnir vanir. Einnig að takmarka stopp innan leikskólans, gæta að nálægð við aðra og muna eftir handþvotti og sprittun.

Helstu tilmæli frá leikskólanum eru þau sömu og oft áður :

  • Foreldrar komi aðeins einn með hverju barni inn í leikskólann. Þetta er gert til að minnka fjölda þeirra sem eru samtímis að koma inn í skólann.
  • Foreldrar gangi ekki í gegnum skólann til að koma með systkini á aðra deild.
  • Foreldrar þurfa að gæta að 1 metra reglunni og vera með grímu.
  • Foreldrar hvattir til að spritta hendur um leið og þeir koma inn í skólann eða fataklefann.
  • Ef börn eru lasin eða að veikjast eiga þau að vera heima.

Á heimasíðu leiksólans er hægt að sjá skipulagsdaga vetrarins inn á viðburðardagatali og einnig eru reglulega settar inn fréttir úr starfinu sem gaman er að skoða. Allir eru hvattir til að virkja karellen appið í símunum en ef fólk er að lenda í vandræðum með það má endilega biðja annað hvort deildarstarfsmenn eða leikskólastjóra um aðstoð. Við hlökkum til að takast á við verkefni nýs skólaárs og eiga í áframhaldandi góðu samstarfi við ykkur foreldra.

© 2016 - 2021 Karellen